«Даькъастен Россеташа» Магаса, Наьсарен дешархошта довзийтар тока кхерамзлен хьал
«Даькъастен Россетий» болхлоша, республикан дешара моттигашка токацара хьал унзара хилар белгалдеш, дешархошца болх бу.
Цу тайпара кхетаче дӏайихьар Магас шахьара №2 йолча ишколе, Наьсарерча №1 йолча ишколе-интернате.
«Ингушэнерго» филиала инженера керттерча гӏончас Осканаькъан Ислама хьалхадаьккхар берашта, тока бӏоагӏий дагӏача моттигашта юхе ловзараш де йиш йоацилга. Цо иштта берашта хьехам беш белгалдир, цӏагӏа а ара а кхерамзлен бокъонаш лорае езилга: тӏаьда кулгаш долаш тока гӏирсах кулг тоха йиш йоацилга, еха техника лелае кхераме долга. Керттера цар белгалдаь дош дар ӏобежача тока саьрга 10 метр гаргаваха йиш йоацилга.
Дийцар дикагӏа дӏаэцаргдолаш; тока болхлочо дешархошта хьалхадаьккхар «Россети» компане - Лампочкина Машай юкъарлон проект «ВКонтакташка» го йиш хилар. Цо ловзара кепара ма дарра хьагойт токацара хьал.
Бераша йоккха терко тӏайохийташ ладийгӏар, шоашта бакъахьа хета хаттараш делар.
«Берий вахар, могашал лораяр - из тха керттера декхар да. Токацара хӏама лораде дезаш да, цудухьа кхерамзлен бокъонаш йовзийта еза. Цу тайпара йийлла урокаш дӏаяхьаро таро лу кхувш йоагӏача тӏехьен вахар лораде, из аттагӏа хилийтара терко е», - аьлар «Даькъастен Россети» - «Ингушэнерго» викал волча Осканаькъан Ислама.
Энергетикаша цахадаш хьехама болх дӏахьу дешархошца: дешара шу чакхдаллалца - республикан дешара моттигашка, ахкан хана - ишколашкарча лагерашка.
