Къамашта юкъера барт лорабарах дийцар дешархошца мехкарча Тохкама комитета эпсараша
«Доккха этнографически диктант» яха Xӏ Халкъашта юкъера болам хьаллоацаш хилар Магасерча №1 йолча ишкола-берий беша дешархой. Республикерча тохкама оагӏон болхлой бола Горчхананаькъан Ӏумар, Йовлой Ахьмадхан, Патанаькъан Хьава баьхкабар цига цар оагӏув хьаллаца.
Боккхача мехка истори довзара моттиг хилар цу дийнахьа классах. Россе къамий культура, ӏадаташ, оамалаш, метташ шоашта мишта довз гойташ дар бераш. Тохкама моттигера кхаьчача эпсараша къонабарашта хьалхадаьккхар, ший овла бовзар, иштта лоалахарча къамий истори довзаш, лоархӏаш хилар хозача гӏулакхех долга.
Россе дахача къамашца машаре, барта хила дезилгах дийцар берашта. Боккхача мехкаца дувзаденна дола дукха хӏамаш довзийт цу гӏулакхо дешархошта, хӏаьта из къаьстта лоархӏаме да тахан.
Россе низ хилар цхьанкхеташ, вӏаший тӏаотташ хиларах латташ долга белгалдир эпсараша.
