Гӏалгӏайчен полицейскеша соцадир, «Прегабалин» йохкаш хилар
Гӏалгӏайче мехка полице болхлоша юхатехар бокъонах доацаш «Прегабалин» яха молха йохкаш хилар. Из болх дика дӏабихьар Магас шахьаре гӏолла йолча МВД наркотикашца къовсам лоаттабара йолча тоабо, яхаш, дийцар «Сердало» газетага Россе МВД моттигера зарбан болх лелабераша.
Бокъонаш лораераша ма аллара, Тӏой-Юрта 17 капсул «Прегабалин» молхаш ехкар моттигерча вахархочо. Цу дийнахьа уж хьалаьцар полице болхлоша. «Алмаз-502» яхача тӏахьожама-чакхвалара ха тӏа, Магас-Шахьаре гӏолла йолча Россе МВД ДПС инспектораша соцайир «Лада Приора» яха автомобиль. Чухьежача, уж цу водитела ийца хилар гучадаьлар.
Уж дӏаелар Гӏалгӏайчен МВД экспертно-криминалистически центра говзанчашка дӏахо тахкара. Водитель полице отделене дӏавигар, бакъда лорий тешал дара тӏаваха раьза хиланзар из. Цун духьала 1д. 6.9 ст. Россе КоАП административни протокол оттадир.
Хӏанз полици цу гӏулакха тӏехьа боагӏаш бола болх дӏахо дӏахьош я, цунга хьежжа уголовни гӏулакх а хьаделларгда.
