18 шу даьнна интернет-зуламхо бехктокхаме озаргва вай мехка
12.11.2026 12:58
18 шу даьннача мехкахочун духьала хьадийллача гӏулакхах болх дӏахьош хилар Наьсарерча прокуратуре. РФ УК 2-ча даькъа 159 ст. бехктокхаме озаш ва из саг (доккха зе деш, зулам кхостадарах). «Сердалога» из хоам бера мехкарча прокуратурера.
Укх шерарча ардара бетта наьха рузкъах вӏаьхий хила лаьрхӏад цу сага. «ӏPhone 11» телефон йохкаш ва ше аьнна, нах ӏехабе лаьрхӏа хоам оттабаьб цо интернете.
Барайтта шерга кхачанза волча мехкахочо телефон эца дагахьа волаш, ший даь банковски карта тӏара ахча дӏатӏатессад цунна. Хӏаьта нах ӏехабаь вӏаьхий хила веннар, ахча каракхоаччашехь, цу сагацара бувзам хоадабаь, телефон хьа ца эцаш ӏийнав.
Тохкама болх чакхбаьккха баьннаб болхлой карарча хана, Магасерча кхален судага гӏолла гӏулакхага дӏахо хьожаш ба.
