Бокъо йоацача машиний чархаш ӏокхийса моттиг гучаяьлар Наьсаре
12.11.2026 11:37
Эшаш йоаца машиний чархаш бокъо йоацача моттиге ӏокхийсалга гучадаьлар Наьсаре. Эккажкъонгий-Юртарча моттигашка гӏолла гобоаккхаш гучадаьнна хӏама да из. «Сердалога» из хоам бера кхален администрацера.
Осканаькъан цӏерах болча урама хьал тохкаш хиннараш бар Наьсарен кхален администраце кулгалхочун гӏонча Гаьгенаькъан Бек-хан, иштта юртда.
Чархаш ӏокхувсара гӏулакхах акт оттайир цу моттиге. Цу хӏаман бехкебараш бехктокхаме озаш болх дӏахьоргба. Чархаш ӏокхийсача доазан доал деш волча сагага хоаттам бе безаш хӏама да из.
Белгалде деза, ӏокхийса ядача чархаша ӏалама, иштта наьха унахцӏенон, экологена зе делга, из деррига тохкаргда цу оагӏонцарча болхлоша.
