Гӏалгӏайчен викалаш дакъа лоацаш ба, Россе СТД дешара ишколе
Гӏалгӏайчен викалаш дакъа лоацаш ба, гранташца, ганзашца болх бара йолча Россе театра болхлой Союза дешара программе, из дӏахьош я Соче. Республикера цига яхар Россе СТД Гӏалгӏай отделене кулгалхо Къулбужанаькъан Лема, иштта республикан культуран, туризма Кагирхой совета, Россе СТД региональни Кагирхой совета кулгалхо Султиганаькъан Ахьмад.
Уж ӏомалуш ба «Актёр» яхача Соче санаторе даькъ тӏа, лайчилла бетта 11-ча денгара 13-ча денга кхаччалца. Кхаь дийнахьа, Карелера денз Камчатке кхаччалца йолча 47 моттигерча Союза оагӏонцара Кагирхой совета доакъашхошца цхьана проекташ оттае ӏомалуш ба, шоашкара кердадараш майра юкъедахара, гранташ яхара бола никъ боаккхаш.
Кулгалхочун гӏончас, РФ СТД кхоллама оагӏон хьакима Скляр Надеждас ма аллара, каст-каста дешара гуллам дӏабахьара декхар кхоачашдеш ва Союза председатель Машков Владимир. Хӏанз из дӏахьош яр диазлагӏа грант яккхара йола оагӏув я, балха ишкол санна кхоалагӏа я. Цо яхачох, гӏалаташ цхьана лохаш хиларо дикагӏа уйла яйт хила еза керттера бокъо ӏомаярах, иштта ший проект дика чакхъяккхарах.
Программа дӏайолаеча дийнахьа дийцар гранташ яхара дехараш чудала деза болх мишта хила беза, паччахьалкхен оагӏорахьара, цун чуйоагӏача ганзаша новкъостал дара оагӏув малагӏа я. Проекташ дика чакхъяхара де дезар белгалдир, из гулбеннарашта довзийтар РФ СТД секретара, Нижегородски Союза отделене кулгалхочо Кабайло Сергейс, Новгородски даькъа кулгалхочо Харитонова Динарас, иштта Къилбаседа-Хӏирий даькъа Дзуцева Дзерассас. Хьалхарча дийнахьа доакъашхоша 9 проект оттайир, цар тӏа дӏа хо кхы а болх бе беза.
Гӏалгӏайчен викалашта РФ СТД Ишколе дакъа лоацаш хиларо таро лу кхыча моттигашкара баьхкача доакъашхой балха говзал йовза, моттигерча театральни проекташта тӏехьара тӏа ахча юкъедаккха, иштта мехкашта юкъера культуран бувзам чӏоагӏбе.
