Гӏалгӏайчен кагирхой цхьанкхетарий Цӏагӏа исламаца ювзаенна яхь хилар
Гӏалгӏайчен кагирхой цхьанкхетарий Цӏагӏа, аргӏанара исламаца ювзаенна яхь яр. Цига керттера турпалхой хилар 14 шерга кхаччалца ха яьнна, дин гӏулакхаш довзаш бола кагирхой. Уж баьхкар шоашта ховш дар гойта, яхаш, дийцар «Сердало» газетага республикан кагирхой Комитете.
Тхоца къамаьл даьчо яхачох, цу яхьашта чудоагӏаш да динца дувзаденна тайп-тайпара хаттараш. Бераша боккхача безамца царна жоп лу, цар хьагойт дин гӏулакхаш ховш хилар.
Цига дика кхеташ бола кхелахой ба мах оттабеш, цар дӏалоархӏ хӏара доакъашхочун карагӏдоалар, нийса жоп луш хилар. Яхьаш яр аьнна доацаш, боккъал сапаргӏата, безаме дӏахьош яр из кхетаче. Цар терко тӏайохийташ ладувгӏ кхетаче дӏахьош волчунга, уж хьож нийса жоп дала, салоӏаш болча хана шоай новкъостий толамех доаккхал ду, шоайла хьаллоац.
Иштта кхетам балара лаьрхӏа йола кхетаченаш дӏахьош хилча, кхувш йоагӏа тӏехье а дикагӏа дегӏайоагӏаргья, ха а пайда болаш дӏахьоргья.
