ЖӀайрахьа чудилла керда хий 50 шера латтаргда
30.06.2025 11:44
Хий лертӀача боараме хьацадарах, чӀоагӀа хало озар лоаман юрташкарча наха. Из бахьан долаш, 4 км кхоачаш керда хий чудилла лаьрхӀар цига.
ЖӀайрахьарча администраце белгалдечох, кердача турбай низ лакхагӀа ба, цунга хьежжа 50 шера лертӀа болх дӀахьош хургья уж.
Мамилганаькъан цӀерах болча урамгара ОлгатӀе-Ӏарамхи яхача гонна ӀотӀаотталца чудиллад керда хий. Бетона гӀозараш оттадеш, цӀерцарча кхерамзлен хьал лорадеш йола кӀаллаш чӀоагӀъеш, хӀаранахьа ший боагӀаш бола гӀирс оттабеш, болх чакхбаьккхар цига.
ЧӀоагӀа дог айденна бар юртара бахарой, хицара кхоачамбоацараш тӀехьашка диса.
