Мехка дикагӏбарий цӏи къовса лаьрхӏа ба, вай мехкара хьехархой-библиотекараш
«Россера толаш вола ишколера хьехархо-библиотекарь» яхача ерригача Россе яхьашка дакъа лаца ловш дехар чуденнараш 14 саг ва вай мехка. Берригача мехко хьаллоацаш проект хилар цох. Россе 89 моттигера дехар чуденнараш карарча хана 2 160 саг ва.
«Сердалога» мехкарча Паччахьалкхера бенача хоамах, Россе Президента чӏоагӏонца дӏахьош ба из болх. Ишколерча библиотеке къахьегачар оагӏув хьаллацара, къонача тӏехьенна юкъе книжни культура йоаржаяра тӏехьа юкъеяьккха я из проект.
Россе Президента гӏонча йолча Ямпольская Еленас белгалдир, цу наьха оагӏув хьаллоацаш, цар болх лакхача моттиге оттабеш хилар лоархӏаме долга. Ма дарра аьлча, ишколерча библиотекараша хӏара дийнахьа дӏахьош бола болх бовзийтаргба цу гӏулакхо.
Яхьашка дакъа лоацачар аьттув ба онлайне гӏолла къаьстта шоаш цу оагӏонца хьаоттабаь болх, юкъедаьха кердадараш довзийта. ӏан хьалхарча бетта Москве гӏоргба хьалхабаьннараш, цига болх дӏахьош, шоай говзал йовзийташ хургба уж. Ишколерча библиотекарий ӏӏ Халкъашта юкъерча кхетаче хьакхайкабергба котбаьннараш.
Цу оагӏонца дувзаденнараш довза йиш я тахан «Кхетам» яхача Российски оагӏон керттерча сайтага (https://znanӏerussӏa.ru/bӏblӏotekar2026) гӏолла. Моллагӏча сага бовза йиш йолаш бийлла латт цу чура болх.
