50 эзар гаргга йолча гӏишлох дар тохкаш хилар вай мехка
50 эзар гаргга йолча мехкарча гӏишлошта доал деш барех дола хӏама тохкаш болх дӏабихьар республике. Моттигерча Росреестра оагӏоно муниципалитеташца лаьтташца, гӏишлошца дувзаденнараш боаггӏача боараме тоадара тӏехьа дӏахьош гӏулакх да из. Дӏадахача шера 18 эзар совгӏа дехарех болх дӏахьош хилар цу оагӏон къахьегамхой, хӏаьта 56% -га кхоачаш дараш электорнни оагӏонца чуденна дар.
«Сердалога» мехкарча Паччахьалкхера кхаьчача хоамах, гӏишлошцара гӏулакх таьрахьий оагӏонца боаггӏача боараме хьаоттадар лоархӏамеча декхарех да. Таханарча дийнахьа «дакъа лоацача» оагӏонца хьаоттаяь электронни чӏоагӏо 98% я, хӏаьта ипотечни оагӏонца – 96%. 97%-га кхоачаш долча таьрахьашцарча каьхаташца болх дӏахьош хул цхьан дийнахьа.
Доазонаш боаггӏача боараме къоастадара тӏехьа, дикка болх дӏабихьаб ала йиш я тахан мехка. ЕГРН юкъедихьад тахан 99% юртарча моттигех дар, 90% муниципальни моттигий доазонех дар.
Белгалде деза, мехкарча экономически оагӏонца ЕГРН болх боаггӏача боараме хилар чӏоагӏа лоархӏаме долга. Хӏара доазонах дар ма дарра довзар лоархӏаме да гӏишлош хьалъеча, наькъаш дехкача, инженерни оагӏонцарча балхашца. Цул совгӏа, гӏишлоех дар хила деззача тайпара хьаоттадар, царна доал дечар хьал аттачахьа доаккхаш да.
