«Даькъакстен Россеташа» школьникашта лаьрхӏа Пхьилекъонгий-Юрта урок елар, электрокхерамзленахи и энерги кхоярахи
Токаца лораде дезараш малаг ӏаш да белгалдеш, урок дӏахьош хилар «Даькъастен Россеташ-Ингушэнерго» яхача оагӏон болхлой Пхьилекъонгий-Юртарча № 2 йолча ишкола дешархошца. Бархӏлагӏча классе дешаш вола 38 дешархо вар лекцега ладувгӏа гулвенна хиннараш.
«Ингушэнерго» яхача оаг ӏонца инженер волаш къахьегаш волча Ведажанаькъан Хьусена берашта дийцар, тока моттигашта гарга волча хана лораде дезараш малагӏаш да. Тока линена юхе чкъаьрий лувца, цӏи йоагае, лотаденна тока саьргаш хица дӏадоаде гӏерта йиш йоацилга, трансформаторни подстанце доазон тӏа дӏатӏавалар кхераме долга хьалхадаьккхар цо берашта. Иштта цо дийцар ди детташ, тӏоа сегаш хилча мишта хьовза веза, хаьда ӏолийга дадача тока саьргашта 10 метр гаьна хила везилга.
Из деррига дӏачӏоагӏдеш, «ВКонтакте» яхача оагӏонца токацара бувзам мишта хила беза берашта дувцаш йолча Лампочкина Машай болх бовзийтар цо.
Цул совг ӏа ток «хьаькъалца» йоаяр мишта хила деза дийцар цо берашта. Шоашта вахаре накъадаргдола цхьацца хӏамаш дӏаяздир бераша цу дийнахьа.
«Иштта йола кхетаченаш берашца дӏакхахьар чӏоагӏа лоархӏаме да, хӏана аьлча зӏамига болча хана денз, ха деза царна токаца лораде дезараш, кхерамедараш малагӏаш да. Оаха доккха баркал оал тахан «Ингушэнерго» болхлошта дешархошца иштта пайда беш бола болх дӏакхахьарах. Бераша кхетадергдолча тайпара, деррига белгалде аьттув баьлар цар», - дийцар №2 йолча ишкола кулгал деча Котанаькъан Тайсуна.
