Хин кӏалха гӏолла 50 метрага кхоачаш наьк даь, белгалваьлар вай зӏамига мехкахо
Спортацарча министерствонна хьалха латтача Белхарой Руслана даькъалавийцар доккхача хьинарца наьк деш белгалваьнна вай зӏамига мехкахо. Хин кӏалха букъ тӏа уллаш, 50 метрага кхоачаш наьк де аьттув баьннаб цун 54 секунда.
Бештой Мухьаммада тренер волча Джанхотанаькъан Ювназа белгалдечох, моллагӏча воккхача спортсмена а могаргдоацаш, хала лоархӏаш декхар да букъ тӏа уллаш иззал наьк деш вахар. Министра доккха баркал аьлар кӏаьнка тренера, иштта цун начӏал хьаллоацаш болча даьна, нанна.
«Мухьаммад хьинар долаш, къахьегаш волга хьагойташ да, из аьттув балар. Иштта зӏамигача кӏаьнка из карагӏдалар доаккхал де дезаш хӏама да тахан. Баркал ала лов сона тренера Джанхотанаькъан Ювназа, кӏаьнка даьна Мухьаммада. Цун оагӏув хьаллоацаш, визза спортсмен веш боахк уж цох. Аьттув хилба цар дӏахо йодача хана а»,- аьлар Белхарой Руслана.
Цу гӏулакхо хьагойт вай мехка лакха говзал, начӏал дола къона спортсменаш хӏара денна дукхагӏа хулаш латтилга.
