Геттара чӏоагӏа лозаваьча СВО бӏухочун гӏулакхага хьожаш ба, «Даьхен лорабой» ганзе
Тӏема аренашкара геттара лозаваь волаш цӏавенача Гӏазакханаькъан Султана фу эш хьажа баха хилар «Даьхен лорабой» яхача ганза мехкарча филиала болхлой, иштта ветераний Ассоциаце доакъашхой. Тӏема декхараш кхоачашдеча наькъ тӏа, йоккхий човнаш хиннача бӏухочун хьал тахка, цун вахарера кхоачамбоацараш довза арабаьннараш бар Абаьданаькъан Ислам, Саккхаланаькъан Муса, иштта Беканаькъан Мадина, Коазой Хьамид, Доданаькъан Ибрахӏим.
«Сердалога» бенача хоамах; йоккха, хала чов еш, аьрда кога ворув йолчара тӏехк кагьяьй бӏухочун. Цӏавеначул тӏехьагӏа хирургаша операци яьй цунна, бакъда дӏахо а дикка дарба де дезаш ва из. Карарча хана Илизарова аппарат оттаяь, чувайта цӏагӏа меттавоагӏаш вар из.
Бӏухочунга хьажа аьнна, Магӏалбикерча дарбанчен лораш хьабийхар, хӏаьта цар цӏаькха эттӏаве ӏовужаве веза аьлар из.
«Даьхен лорабой» яхача ганза болхлоша, бӏухочунца къамаьл деш, хьалхадаьккхар паччахьалкхенгара тахан цунна фу хьадоагӏа. Хан-ханнахьа болхаш, бӏухочун фу эш хьожаш, гӏо лоаттадеш, хургба уж.
