Доазол сехьаваьнна кхыча мехкара вахархо соцавир анзораша
01.08.2024 10:06
Россе паччахьалкхен доазон бокъо йоацаш сехьаваьнна кхыча мехкара вахархо соцавир республикерча Россе ФСБ анзорий оагӀон болхлоша.
Из хоам «Сердалога» бир, цу моттига зарбан болх лелабераша.
«ЖӀайрахьа кхален моттиге шоай болх дӀахьош латтача анзораша соцавир, бокъо йоацача тайпара Гуржий мехкара РФ доазонал бийсанна сехьаваьнна саг», - йоах хоамо. РФ паччахьалкхен бокъонаш толхаеш хьайза саг бехктокхаме оза дагахьа, из гӀулакх тохкаш да.
