ГӏалгӀайчен массазарча викала ший тӀахьожаме ийцад, Москве нийсденна хатар
Москве моттиг нийсъелар; ГӏалгӀайчера, Нохчашкахьара болх беш болча наха малаш ба ца ховш нах качбаьхка. Мехка массазара викал Малсаганаькъан Мухьмад юкъевера цу гӀулакха, дӀахо из хатар гаьнадаргдоацаш.
«Аз цу тӀехьа кхоачам болаш болх дӀабихьар, бокъонаш лораерашца цхьана. Росгварде низаца беррига гӀалгӀай, нохчий цигара дӀабигаб; уж Россе Перово кхален МВД отделе хургба. Берригаш а кхерамзле йолаш а ба. Ираза, цхьанна сага хӀама даьдац», - аьлар викала.
Белгалде деза, карарча хана из хьал цун теркама юкъе хилар. Цо тӀахьийхар тийшача балха юкъедахарах лоралуш хила, аьнна, къамашта юкъера цатоамаш хургдоацаш.
Цул совгӀа, Малсаганаькъан Мухьмада кхетаче хилар цига бахача вай мехкахошца а иштта сенаторца Хамченаькъан Биланаца а.
Цига нийсбеннараша яхачох, царна качбаьхкар «Эрсий юкъарлон» викалаш, из я Россе йоккхагӀа йола ультрааьттехьара тоаба.
