Кредиташца боккха тийшаболх кхостабарах дола гӏулакх суде чуделар мехкарча СК
Шолжа-Шахьарерча 37 шу даьннача сага духьала хадийллача гӏулакхах болх дӏахьош хилар, Шолжа кхалерча Россе Тохкама Комитета болхлой. Харцо йийца боккха тийшаболх кхоастабаьб цу сага (РФ УК 4-ча даькъа 159 ст.).
«Тохкама болхлоша белгалдечох, 2024-ча шера оагӏой бетта шийна йовзаш йолча мехкахочунга, кредит эцаш, шийна гӏо дар дийхад цо. Цун нигат ма дарра довзаш йоацача кхалсага ший паспорт, телефон дӏаеннай; мобильни оагӏонга гӏолла кредит эцара болх чакхбоаккхаргболаш. Цун пурамийца доацаш, шийгара кредит эцаш ши дехар чуденнад цо, мобильни оагӏонга гӏолла, цул совгӏа, хӏара бетта хьатӏадоагӏача ахчан боарам а, яха моттиг а харцахьа оттадаьд. 3,8 млн сом кредит да тийшаболх кхостабаь хьаийцар», - дийцар «Сердалога» мехкарча СК.
Цу гӏулакхаца дувзаденна мел дола хӏама тохкаш, болх чакхбаьккхаб CК. Тахан гӏулакх судага да.
