Гӏалгӏайчен лорий-вахара колледже, СВО ветераний кхетаче хилар
Гӏалгӏайчен лорий-вахара колледже, лаьрххӏача тӏема операце ветеранашца вӏашагӏкхетар хилар студентий, «Хьалхарчар болама» хьинар долча наьха. Из кхетаче вӏашагӏъеллар моттигерча «Даьхен лорабой» ганза моттигерча филиало. Дешара урхаллен хьаьший бар СВО ветеран Акбенаькъан Ратмир,Тоачанаькъан Исмаӏал.
«Шоайла къамаьл деш, бӏухоша студенташта дийцар амал дарах лаьца, цхьацца тӏема гӏулакхаш довзийташ дола къамаьл. Ветеранаша кагирхошта масалаш гойтар; бокъонца дола денал, майрал лорадара; шоай Даьхенцара безам совбоаккхаш уж хилара тӏахьехаш», - аьлар «Сердало» газетага «Даьхен лорабой» ганзе.
Студенташ йоккхача терконца ладувгӏаш бар, цар шоай хаттараш а лора. Хургболча лорашта из дика таро яр, Даьхен бӏухошца къамаьл де. Къаьстта бӏухошкара уж дешаш хьахозаш хилар дар, лакха мах болаш.
