Гурахьа дувча ялата балха хетаяь кхетаче дӏайихьар мехка
Юртбоахама моттигашка хьалхалаттарашца лоархӏаме кхетаче дӏахьош хилар, мехкарча юртбоахама гӏулакхех йолча Министерстве. Цига дийцар шелал хьаоттале чакхдаха дезача гӏулакхех, иштта цу оагӏонцарча кхыдарех.
«Сердалога» бенача хоамах, ахархошца къамаьл деш, къаьстта терко йир тӏеххьара ялат чуэцара балха, иштта ӏан кӏалха додача ялата гӏулакхах.
Цул совгӏа, юртбоахама гӏулакхех йолча Министерствон кулгалхоша белгалдир каьхаташцара болх а боаггӏача боараме, кхоачамбоацараш доацаш хила безилга.
Цхьаккха хӏама тӏалатташ, дӏачудаланза хургдоацаш; цу оагӏонцара гӏулакхаш ханнахьа, лертӏа чакхдаха деза. Ахархошта тӏадиллар, шоай боахама гӏулакхаш кхоачашдеш дӏадодар мел ахча да къоастаде, аьнна, из лоархӏаме да дӏахо паччахьалкхено гӏо дара балхаца.
Кхетачене белгалдаь декхараш ханнахьа, боаггӏача боараме кхоачашдара лакха терко еш хургба Министерстве.
