ГӏалгӀайчен ишколашта федеральни «Дикала хьарак» делар
Ерригроссийски дешара дикала мах оттабеш хиннача кхетаче, ишколашта дикала белгало гойта хьарак делар, цар дешара даькъ тӀа дика толамаш гойтарах; иштта, нийсхо йолаш, дешара даькъ тӀа культура дегӏайоалаярах. Магас шахьара №1 йола ишкол-берий беш белгалйир «Дешара лакхача дикала» белгалонца, хӀаьта доалахьара «Интеллект» яха Эккажкъонгий-Юртарча ишкола «Мах оттабеш, лакха культура» яха цӀи елар.
Карарча шера федеральни дикала хьарак делар берригача мехка гӀолла 1279 ишкола: 310 дешара моттиг хилар «Дешара лакха хьокхамаш» яха цӀи йолаш, 969 – «Мах оттабара лакха культура».
Из программа, Рособрнадзора дӀахьош я Россе Президента Путин Владимира тӀадилла декхар кхоачашдеш; из лаьрхӀа да, дика толамаш доахаш хилар гойташ йола ишколаш хьаллацара.
ГӏалгӀайчен кулгалхочо Келаматанаькъан Махьмуд-Ӏаьлас белгалдир, мехка Ӏаьдал лерхӀам беш хилар, дешара дикал лакхъяра. 2016 шера денз, республике дӀахьош ба дешара даькъ тӀарча хьалашта мах оттабара болх, цо таро лу лакхбе юкъера балл 89-гара 94,6-га кхаччалца.
«Аз лоархӀ, федеральни дикала белгало – из да хьехархой, ишколай кулгалхой, даьй-ноаной, иштта берий шоай боккха къахьегам кхетабар. Вайна гуш да вай дешархой мишта майра ба экзаменаш дӀалуча, олимпиадаш дӀахьоча, яхьашка – из дикагӀа бола толам ба вайна», - аьлар республикан Кулгалхочо.
