ГӀалгӀай къаман
юкъара газет

Кердадараш

ГӀалгӀайчен лоамашка Сий долча Сулеймана виӀий-воӀа ӀӀӀ Мурада шай корадаьд

ГӀалгӀайчен лоамашка бӀаьшерен боаднашкара тамашийна хоам бенаб - цӀихезача Сий долча Сулеймана виӀий-воӀа ӀӀӀ Мурада султана шей корадаь хиларах, аьлар «Сердало» газетага ГӀалгӀай Республика зарбан болх лелабераша.

«Цхьори яха хаьрца латта маьлхара кашамаш цӀендеш, Сий долча Сулеймана виӀий- воӀа, ӀӀӀ Мурада султана дирхам, шай корадаьд.1574-1575 шерашкара кеп тӀалатташ да из. Вай историка, Крупнов цӀерагӀча археологически центра болхлочо Гаданаькъан Умалата хоам бир, цу ханара из ахча транскавказски транспортни наькъ тӀа – хьалхарча аргӀагӀа Дарьяле гӀолла кхаьчад, аьнна», - из белгалдир республикан кулгалхочо Келаматанаькъан Махьмуд-Ӏаьлас, из тамашийна хоам кхаьча хиларах дувцаш.

Белгалду, из ахча тамашийна да, кеп йоккха йолаш хиларах. Цу тайпара ахча 1,15 см йолаш хул, хӀаьта Цхьорера корадаьр шозза доккхагӀа да-2,3 см.

Келаматанаькъан Махьмуд-Ӏаьлас белгалдир; говзанчаша из исторически тӀехьале лораяра бола болх дӀахьоргба, аьнна. Цу лоархӀамеча балха юкъе къахьегаш хургбабокъонаш лораераш, погранични гӀулакхаш тӀара, доал деча даькъ тӀара кулгалхой.

ХӀара шера ГӀалгӀайче гучадоах, вай къаман дӀадахача дукхача бӀаьшерашка хиннача истореца дувзаденна кердадараш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде