ЦIерцара хатараш даржаргдоацаш, къахьегаш ба вай мехка
22.07.2024 11:49
ЦIераш ювлар кхерам болаш хьал да тахан вайцига латтар, хIаьта МагIалбике геттара фийла хила везаш да гIулакх. 5-ча классага кхоачаш да из; Наьсарен, Шолжа, ЖIайрахьа кхалешка карарча хана 4-ча класса тIа латт. Из бахьан долаш, цIерашцара хатараш даржар кхерам бола хьал латт ерригача республике.
«Сердалога» из хоам бир МЧС болхлоша.
«Иштта йIовхал латтача хана, цIераш летае йиш яц! Йокъаенна йоархIаш, нувхаш йоагаю гIулакх соцаде деза!» - кхайкарал ду бахархошка МЧС болхлоша. Ха хIанз мо кхохкаенна латтача хана, чIоагIа лоралуш хила деза вай, цIи яржара кхерам болча бахьанех!
