Яндар оала хий меттаоттаде доладаьд
Яндаре болх дӀаболабаьб, Яндар оала хий цӀендеш. ГӏалгӀай Республикан Кулгалхочун, Паччахьалкхен зарбан болх лелабераша яхачох, хий чакхдалийта таро хилар лоархӀаме да доккха хиш доагӀача хана, къаьстта цун юхерча юрташка бахача наха зе хургдоацаш, царна кхерамзлен Ӏалашо еш.
Проект лаьрхӀа я 2025-2027 шерашка хургйолаш, цу юкъе доагӀа хин 5 км доазув цӀендар. Карарча шера йистебоаккхаргба хьалхара километр цӀенъеш бола болх. Деррига балхаш экологически боарам лорабеш дӀахьоргда.
Белгалду, Яндар оала хий цӀенде деза дукха ха яр, тӀеххьара цу тайпара балхаш дӀадихьар ткъо шу хьалха.
«Хӏанз вай цу хин йоагӀаш йола терко е лаьрхӀад, юхерча цӀеношта а зе даргдоацаш, геттара доккха хиш доагӀаш хуле. Из проект кхоачашъяро таро лу кхо гектар совгӀа йола моттиг лорае, цига вах 150 совгӀа саг», - аьлар ГӏалгӀайчен Кулгалхочо Келаматанаькъан Махьмуд-Ӏаьлас.
Дӏадахача шера мехка Ӏалама тароний, экологен Министерствос балхаш чакхдаьхар Сурхо тӏа ӀодоагӀаш дола хий цӀендеш, 3,7 км даькъ тӀа; иштта Магасерча Шолжа хин дакъа 4,6 км.
