ОПР тӀахьожам чӀоагӀбе лерхӀ вай мехка
ЦӀераш ювргйола бахьанаш лораде, яхаш, кхайкарал да вай мехка ахка хьаэттача хана денз деш. ХӀара вахархочо лораде дезаш, тесса дита йиш йоацаш гӀулакх да из. Из хӀама лорадеш боацараш бехктокхаме оазаргболаш ба! «Сердалога» из хоам бир Ӏалама гӀулакхех йолча министерствера.
«РФ КоАП 2-ча оагӀон 20-ча статьяга диллача, цӀераш ювлара бахьанаш лорадеш боацарашта тоха оттадаь гӀод да: бахархошта - 10 эзар сомагара 20 эзар сомага кхоачаш; балха моттигашта - 30 эзар сомагара 60 эзар сомага кхоачаш, республике цхьацца хӀама хьадеш барашта - 60 эзар сомагара 80 эзар сомага кхоачаш, юридически оагӀонцарчарна – 400 эзар сомагара 800 эзар сомага кхоачаш.
Хьунашка салаӀа Ӏохувшарашта, уж бахьанаш лорадеш ца хуле, къаьстта гӀод тохаргда. РФ КоАП з-ча оагӀон 8.32 статьяга диллача, бахархошта тоха оттадаь гӀод 40-50 эзар сом, хьакимаш - 60-90 эзар сом, юридически оагӀонцарчарна - 600 эзаргара 1 млн кхоачаш», - белгалдир Ӏалама хьал лорадераша.
Цул совгӀа, саг бахьан долаш аренашка цӀи ярже, бехке волчо суд токхаргья.
