Лаьтташца дувзаденнарех дувцаш кхетаче дIайихьар мехка
Лаьттай, гIишлой гIулакхех йола паччахьалкхен программа йоаржаярах, цох хьахулача пайдах дувцаш кхетаче дIайихьар, мехка премьер-министр волча Сластенин Владимира кулгал деш.
Доалахьарча хIаман, лаьттан гIулакхех йолча министерствонна хьалха латтача Вешкаранаькъан Мурада белгалдаьчох, республикерча дукхагIа йолча моттигий доазош ЕГРН юкъедихьа да. Къаьстта йоккха терко тIаяхийтар, 50 эзар совгIа йолча моттига доал дераш малашб хьожаш. Дикка чIоагIбаь дIахьош латт из болх тахан Магасе, МагIалбике, Наьсаре, Шолжа, ЖIайрахьа кхаленашка.
Кхетаче дийцар кадастрови балхех йолча программах. Цу юкъе 21 кадастрови кур ба, 20 эзар совгIа гIишло йолаш. Цул совгIа, кхетаче дийцар, лаьтташцара болх чIоагIбарах, кадастрови балхаш дIакхахьарах, иштта кхыдолча лоархIамедарех а.
