Моттигерча тӏема дешара центра балхах дийцар мехка
Гӏалгӏай паччахьалкхен университете шу хьалха хьайийллача моттигерча тӏема дешара центра балхах дийцар мехка. Россе Герзий низий оагӏонца декхараш такха кийчлуш вола 163 курсант ва укхаза карарча хана дешаш.
«Мехкадаь зарбан болх лелабераша белгалдечох, курсанташта лаьрхӏа аудитори, тир, музей, иштта цхьацца гӏулакхашта лаьрхӏа доазув хьадийллад университете. Тӏема полице декхараш довзарал совгӏа, хоамий технологешца, кхерамзлен оагӏонца дувзаденнараш довзийт курсанташта.
Къилбаседа Кавказерча тӏема дешарах йолча моттигашца бувзам лоаттабеш, дӏахьош болх ба из. Парадашка, тӏема-деналцарча безамах долча боламашка, кхетаченашка дакъа лаца, СВО доакъашхошта гӏо лоаттаде аьттув ба курсантий. Россе Президента тӏема - Даьхенцарча безамах бола кхетам чӏоагӏбеш белгалдаьрашта юкъе, чӏоагӏа лоархӏаме да аьлар вай Мехкадас иштта йола моттигаш мехка хилар.
«Тахан цига ӏомадаьр боккха лерхӏам болаш, РФ Тӏема низах болча оагӏон моттигашка ӏомадаьчун нийса долаш да. Тӏадоагӏача шера курсантий аттестаци дӏахьош, иштта кхыдола лоархӏамедараш кхоачашдеш болх чакхбоаккхаргба цига», - тӏатехар Келаматанаькъан Махьмуд-ӏаьлас.
