Къаман проекташ йоаржаеш, дIабихьача балхах дийцар мехка
Къаман проекташка гIолла мехка дIабихьача балхах дийцар Магас, хIара кIиранна хулача кхетаче. Таханара хьал теркалдича, 99,4% тIа латт из гIулакх, ахчанга диллача – 4,1 млрд сом. Кассови гIулакх дIадахьар 80,2% тIа латт - 3,3 млрд сом совгIа ахча дIадаха даьннад.
Цул совгIа, цхьацца йолча проекташцара болх Россе латтача юкъерча боарамал лакхагIа дIабахьа аьттув баьннаб вай. «Экологи», «Пайда беш йола экономика» яхача проекташцара болх 100%-га кхоачаш дIабихьаб тахан. ХIаьта «Кагирхойи бераши», «Вахаре эшараш», «Туризм» яхача къаман проекташцара болх Россе къоастабаьча юкъерча боарамал тIехдаьнна дIахьош да вай.
«Къаман проекташка гIолла чакхдоахаш дола гIулакхаш вай мехкара экономически хьал меттаоттадеш да. Бахархой хьал аттача доаккхаш, экономикан хьал айлургдолаш лоархIаме да из», - аьлар кхетачен кулгалдеш хиннача премьер-министра Сластенин Владимира.
Укх шера, къаман проекташта лаьрхIа вай мехка хьахьожадаьр 4,1 млрд ахча да, царна юкъера 3,3 млрд - федеральни рузкъа. Керда наькъаш Iодехкаш, тоадеш; дешара моттигаш, дарбанчеш, иштта кхыдараш меттадоаладеш дIадохийтаргда из ахча.
