Гӏалгӏайче хьалъергья токаца лелаш йолча электротранспорта лаьрхӏа станцеш
2026 шера Гӏалгӏайче хьалъе лерхӏ, иттнел кӏезигагӏа йоацаш, керда ток хьаоза станцеш, яхаш, дийцар «Сердало» газетага ГӏР Кулгалхочун зарбан болх лелабераша.
«Тӏехьара тӏа станцеш хьалъяро таро лургья экологически транспорт дукхагӏа лелае, цо хьаллоац кхераме йоаца, таханарча заман, экологически цӏена транспорт лелаяра хьал», - аьлар Келаматанаькъан Махьмуд-ӏаьлас ше цу йоккхийча таронех дувцаш.
Махьмуд-ӏаьлас яхачох, Гӏалгӏайчен политиканна электротранспорта оагӏув дегӏайоалаяр лоархӏаме да. Карарча хана мехка 7 сиха ток хьаозаш йола станци я. Уж я Магасе, Магӏалбике, Наьсаре, Шолже, иштта Эбарга-Юрта, Гӏажарий-Юрта, Йоккхача Ачалкхе. Уж моттигаш хиларо таро лу бахархошта шоай транспорта токаца дувзаденна хьалаш лоаттаде.
Гӏалгӏайчен чӏоагӏа лоархӏаме да дӏахойодача хана, наха экологически транспорт лелаяр.
