ЦӀерцарча хатарех бахархой лорабеш бола болх дӀакхухь МЧС викалаша
08.08.2024 19:08
ЦӀерцарча хатарех бахархой лорабеш бола болх дӀакхухьаш, хьабоагӀа МЧС болхлой. Цу оагӀонцара кхетаченаш дӀайихьар укх наькъа Наьсарен-Шахьарерча, Наьсарен кхален бахархошца, МЧС администраце болхлой юкъе болаш.
Тахан эггара дукхагӀа наха хьалхадоахар да, йокъаеннача баьцех ара Ӏимеца латтача хана, цӀераш еттар геттара кхераме долга.
«Ахкан хана чӀоагӀа даржаш да цу оагӀонцара хатараш. Лоадам бац аьнна хетача хӀамах, йоккха цӀи яла йиш я, цудухьа массахана из болх дӀакхахьар лоархӀаме да.
Эггара хьалхарча оагӀонца лораде дезараш хьалхадаьхар наха. Царех да, йоагаш латта цӀи йита дӀацаахар, мух болча дийнахьа цӀераш ца еттар, нагахьа цӀи йоале, из дӀайоае эшараш кулга кӀалха хилийтар», - белгалдир МЧС болхлоша.
