СВО доакъашхошта лорий новкъостал ду
Гӏалгӏайче дӏахьош ба СВО бӏухошта, тӏема ветеранашта новкъостал ду болх. Цу наха лаьрхӏа лорий хьалаш дӏакхоачаш хургдолаш, болх аттача баьккхаб: уж бокъо йолаш ба лорашка аргӏа йоацаш дӏаязбала, эшача лорашка чакхбала, иштта каьхаташ даха лорий-вахара экспертизан, тӏехьара тӏа халонаш йоацаш.
Гӏалгӏай Республикан Кулгалхочун, Паччахьалкхен зарбан болх лелабераша яхачох, цунна чудоагӏаш да деррига лорий гӏулакхаш. Цул совгӏа, Россе Паччахьалкхено тӏадиллача декхарах, иштта вӏашагӏбеллаб профилактикан болх а 2025 шера, цу юкъе дакъа лоацаш я республикан 11 лорий урхалле.
Лорашка чакхбалара болх дӏахьу шин даькъа бийкъа, цу юкъе дакъа лоацаш ба балха говзал лакха йола лораш, иштта тӏехьара тӏа могашалга хьажара дола хьалаш а юкъедаьхад.
Ер шу дӏадоладелча денз, СВО доакъашхой чакхбаьннаб лорашка, иштта царна амбулаторни а лорашка ӏобувшабаь а дарба даьд.
Дуккхабараш санаторно-курортий наькъаца могашал меттаоттаеш хиннаб.
«Лоархӏаме да, царех хӏаравар, хьежа ца везаш, ший ханнахьа чакхвала йиш йолаш хилар. Тха декхар да - ӏалашо яр адресах, ший ханнахьа доагӏаш дола дарба дара гӏулакх кхоачашдар», - аьлар Гӏалгӏайчен кулгалхочо Келаматанаькъан Махьмуд-ӏаьлас.
Белгалду, СВО доакъашхошта, ветеранашта лорий новкъостал дара хаттараш мехка ӏаьдала теркама юкъе да.
