ГӏалгӀайче дӀахьоргья «Дошо Гӏала» яха Х-гӀа кинофестиваль
ГӏалгӀайчен театро, кинон, кагирхой хьалех йолча центро дехараш дӀаийду Х-ча Халкъашта юкъерча «Дошо Гӏала» яхача кинофестивале дакъа лаца ловрашкара. Цох дийцар «Сердало» газетага ГӏалгӀайчен культуран Министерстве.
Доакъашхой таро я шоай проекташ укх даькъошка гойта: «Бӏарчча дола ловзарий фильм», «Лоаца фильм», «Документальни фильм», «ДикагӀа дола Къилбаседа Кавказа фильм», «ДикагӀа дола гӀалгӀай фильм», «Суртий фильм».
Цига хьаэцаш да 2020 шерал хьалхагӀа доацаш даьха фильмаш. Дехараш хьаийдергда, тов бетта 9-ча дийнахьа денз ардара бетта 20-ча денга кхаччалца.
«Дошо Гӏала» яха Халкъашта юкъера кинофестиваль - из я дукхача мехкашкарча сценаристашта, режиссёрашта, шоайла балха говзал эца таро луш йола майда. Фестиваль дӀахьош хилара бахьан да, ГӏалгӀайче меттел, ерригача Къилбаседа Кавказе а кинон болх дегӀабоалабар.
Хьалхара «Дошо Гӏала» яха кинофестиваль хилар 2014 шера. Цу юкъа, 25 мехкарча режиссерий кинокартинаш гойтад, из бахьан долаш, цу кхетаченна халкъашта юкъера цӀи елар.
