«Шолжерча администраце кулгалхочун гӀончас Новразанаькъан Т. М., кхален хьем боацаш бокъонаш лораерашца цхьана, Россе «Сунженски» МВД МО гӀишлон чу, цӀаькхаза цу тайпарча зулама уж нах юкъе нийслургбоацаш, болх дӀабихьар, экстремистий, террористий зулам дарах тӀахьожаме барашца», - яхаш, дийцар «Сердало» газетага ГӀалгӀай Республикан Шолжа кхален администраце.

Къамаьл деча юкъа, дийцар цу нахаца вахаре нийслуш долча хьалех, уж балха оттабарах. Цар а дийцар шоай вахарера хьалаш, шоаш цу нийса боацача наькъ тӀа мишта баьлар, цул совгӀа, чӀоагӀа дехкебаларах дола масалаш а доаладир цар. Уж, дӀахойодача хана, шоай вахар дикача оагӀорахьа хувца лаьрхӀа ба.

Белгалду, из лоархӀаме болх дӀахьоча юкъа моттигерча Iаьдало, администрацен викалаша, бокъонаш лораераша цхьана бувзам лелабу.

Хоамашка гӀолла бахархошца цу хьакъехьа къамаьлаш ду, наьха сакхетам совбаккхара, кхерамзлен Ӏалашо хилийтара, бокъонаш лораерашка лохаш болча нахах бола хоам кхачийтара лаьрхӀа.