Диабета дарба дара болх боаржабеш ба мехка
Диабет яха хала лоархӏаш дола лазар ца даржийтара тӏехьа болх лоаттабу тахан вай мехка. «Дӏаьха, кадай вахар» яхача къаман проектага гӏолла диабет юхатохарах йола моттигаш хьаеллаш, дарбанчешкара цу лазара духьала эшаш йола хӏамаш кердайоахаш ба тахан.
«Мехкадаь зарбан болх лелабераша белгалдечох, мехка тахан берашта, боккхийбарашта лаьрхӏа диабета ишколаш я. Берий классаш хьайиллай Магасе, Ужахьанаькъан Р.Къ. цӏерах йолча клинически дарбанче.
Боккхийбараш шахьарерча, кхален дарбанчешка ӏомалуш ба, иштта эндокринологически диспансере а. Цига гӏолла царна довз малагӏа кхача баа беза, диабет хьатӏадаргдоацаш дегӏа мишта доал де деза. Пхе моттиге дӏаоттадаьд дегӏацара шекар дусташ дола гӏирсаш, кастта болх болабергба Ахушканаькъан О.ӏ. цӏерах йолча дарбанчес а.
«Эндокринологически диспансере хьайийллай диабетически кога офтальмологий кабинеташ, лазерца бӏаргашта операци ю моттиг. Из чӏоагӏа лоархӏаме да диабет хӏетта хьакхийттача хана гучадаккхара тӏехьа», - белгалдир вай Мехкадас.
