Цхьоагӏон Шерца, экологе Шерца де дезарех дийцар мехка
Россе къамий Цхьоагӏон, экологе Шу да аьнна белгалдаьча 2026-ча шерца кхоачашде дезарех, дӏабахьа безача балхах дийцар мехкарча Паччахьалкхене. РФ Президента Путин Владимира белгалдечох, боккхача мехка хӏама чӏоагӏа хилар, цун къамаш бартаца, вӏаший оагӏув хьаллоацаш хиларца дувзаденна да.
Из керте оттадаь, кхайкадир; 2026-гӏа шу Россе къамий цхьанкхетара Шу да, аьнна. Путин Владимира хьалххе белгалдаь декхараш кхоачашдеш, болх дӏабахьарах дийцар вай мехка тахан.
«Къамаш цхьана хиларо мехка хӏама лакха лоаттаду, кхерамзленца дувзаденнараш тоаду. Вай дӏахьош бола болх из деррига чулоацаш хила беза», - аьлар Келаматанаькъан Махьмуд-ӏаьлас. Цул совгӏа, 2026-гӏа шу экологена хетадаь да мехка. Мехкадас теркалдир, цу оагӏонца дувзаденнарашта лакха терко лоаттае езилга.
«Хӏара доазон терко еш, гонахьара ӏалам, шоай цӏенош мишта лораде деза хьалхадаха деза вай бахархошта», - аьлар мехкадас. Мехка кулгалхочо иштта тӏадиллар; экологен хьал дикагӏа довзаргдолаш, «наькъашцара карта» вӏашагӏдолла, из болх дӏахьоргбараш къоастабе, аьнна.
