«Къонача эскархой боарам» яха проект я вай мехка дӏахьош
18.11.2025 09:46
Россе мехкашта юкъе, эггара хьалха вай мехка йоаржайир «Къонача эскархой боарам» яха ерригача Россе проект.Тӏема кийчон балха юкъе дакъа лоацаш хилар 14 шергара 18 шерга кхаччалца бола ондаргаш.
Мехкадаь зарбан болх лелабераша белгалдечох, из проект йоаржае хержача 8 мехка, 18 шахьара юкъе хилар вай мохк а. Тоабанца болх дӏабахьар, вӏаший гӏо деш хилар, иштта кхыдараш мишта хила деза гойташ, къахьийгар 500 совгӏа волча къонача эскархочо.
«Ишттача проекташа бераш ӏомаду шоай Даьхе еза, истори лархӏа, шоай овла бовзаш хила», - белгалдир вай мехкадас Келаматанаькъан Махьмуд-ӏаьлас.
Белгалде деза, из проект «Кагирхойи бераши» яхача къаман проектанна чуйодаш, Ерригача Россе эскаре тӏабехарий Денна хетаяь йолга.
