ГӏалгӀайче дӀаболабелар «Дагалаттарий корсам» яха болам
Керда шу хьатӀадоагӀаш, ГӏалгӀайче дӀайолайир «Дагалаттарий корсам» яха проект. Из вӀашагӀъеллараш я ба «Хьалхарчар болама» доакъашхой, Россе кагирхоша хьал а лоацаш, берригача мехка дӏахьош да из гӏулакх.
Цу болама юкъе дакъа лаца йиш я онлайн лаьрххӀача платформа тӀа. Хӏара сага бокъо а таро а я бер хьаллаца, цун дехар кхоачашде. Дезалера вахара хьал дика доацарий а йиш я шоай бера дехар тӀадола каьхат чудала.
Дакъа лаца дех бойла диса бераш, бӀухой бераш, могашал йоацараш,таро йоацача дезалера, Россе кердача моттигашкара бераш.
Уж хила деза 3 шергара 17 шерга кхаччалца ха яьнна.
ГӏалгӀайчен Кулгалхочо Келаматанаькъан Махьмуд-Ӏаьлас из болам дӀаболабаларах дувцаш аьлар, халача вахара хьалашка нийсденнача хӀара бера зе деза, ше гонахьарча наха хьаллоацаш хилар.
Цхьадараш да-нана доацаш да, цхьадараш тӀем тӀара ший да цӀаварга хьежаш, е могашал йоацаш да. Цхьайолча хана кӀеззига теркалдар а царна дикагӀча ханашка сатувсара тешам луш хул», - аьлар цо.
