ГӏалгӀай мехка карарча шера хьалйир 139 эзар кв метр фусамаш
Вай республике карарча шера, лайчилла бетта 1-ча денга кхоачаш, юкъеяьхар 139 эзар квадратни метр фусамаш, из хул 84% Россе гӀишлошъяра Министерствос оттадаьча бӀарччача декхарга диллача.
ГӏалгӀай республикан Кулгалхочун, Паччахьалкхен зарбан болх лелабераша яхачох, ер шу чакхдалале кхы а хьалъяь яккха лерхӀ 30 эзар гаргга кв метр, цо таро лургья лаьрхӀар кхоачашде, вахара фусамаш 165 эзар квадратага кхоачаеш.
2019 шера вахара гӀишлош хьалъяра йола программа кхоачашъе дӏайолайича денз, ГӏалгӀайче хьалйир миллион совгӀа квадратни метр фусамаш, царех 565 эзар - уж доалахьара цӀенош да, хӀаьта 476,5 эзар - дукха квартираш йола цӀенош.
«Карарча шера гӀишлонхоша болх бу атта доацача хьалашка, бакъда иштта дар аьнна болх соцабаь ха енаяц. Оаха лорабу хьалаьца никъ, лаьрхӀар кхоачашдеш, иштта наха дагадоалла хаттар а - фусамашца Ӏалашо яр», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
