РФ Президентагара баркал оала грамоташ дӏаелар вай мехка
Коталон 80 шу дизара йолча кхетаченга кийчо еча дакъа лоацаш хиннарашта, баркал оалаш йола РФ Президента Администрацегара грамоташ дӏаелар вай мехкарча Мехкадаь аргӏанарча кхетаче.
Белгалбаьрашта юкъе вар Паччахьалкхен хьалха латта Сластенин Владимир, министрий кабинетера 33 доакъашхо, муниципалитеташкарча администрацей болхлой, республикан Кулгалхочун Администрацера, Паччахьалкхенцара къахьегамхой. РФ Президента Администраце кулгалхо волча Вайно Антона кулг яздаь дар хьадайта совгӏаташ.
Из лоархӏаме кхетаче дӏахьоча дакъа мел лаьцарашта баркал аьлар вай Мехкадас.
«РФ Президента Администраце теркалдир, таханарча атта йоацача хана гӏулакх боаггӏача боараме дӏадахьар. Баркал хилда шоана шоай декхараш иштта дизза кхоачашдеш латтарах! - аьлар Келаматанаькъан Махьмуд-ӏаьлас.
