ОРВИ долаш 300 совгӏа моттиг нийсъеннай вай мехка
Гуйран денош хьаайттача, шелалах хулаш дола лазараш дарж мехка. Дӏадахача кӏира 300 совгӏа моттиг гучаяьлар вайцига ОРВИ долаш, хӏаьта царна юкъера дукхагӏдараш бераш да.
Шелалца хулаш долча лазарашта духьала маьхий детташ, болх ба мехка дӏахьош. 217 эзар совгӏа саг ва тахан маьхий техараш – 41, 6%. Из болх дикка къахьегаш дӏабахьа безаш ба вай республике. Наха аттагӏа хургдолаш, 296 маьхий тохаш йола тоаба я мехка вӏашагӏъелла, эшаш мел бола кхоачам цу моттигашка болаш ба. Вай мехкадас Келаматанаькъан Махьмуд-ӏаьлас белгалду, лазараш ца даржийтара тӏехьа маьхий тохар лоархӏаме болх болга, къаьстта берашта, ха яхача, дегӏаца лазараш долча наха юкъе.
«Шоай, иштта гонахьарчар могашал лорае. Лазараш гаьна ца далийтара, ца даржийтара тӏехьа эггара лоархӏамегӏа из да», - белгалдир мехкадас.
