ГӏалгӀай мехка 11 юкъара доазув тоадаьд
Карарча 2025 шера, республике лаьрхӀад 23 юкъара моттиг тоае, царех 9 доал деча даькъ тӀара я. Таханарча денга кхоачаш, моттигерча гӀишлошъяра Министерствос яхачох, 11 моттиг тоаяьй. Деррига балхаш дӀахьош да «Шахьара дика хьалаш» яхача къаман проекта чудоагӀаш.
Цу 11 доазонна юкъе да урамаш: Мехкахдахара 70 шу дизара, Градусова, ДжабагӀанаькъан, Бочаланаькъан; Илдарха-Гӏала, иштта Пхьилекъонгий-Юртара урамаш: Победы урамгара НурадиловгӀар урамга кхаччалца, Грузински; Шолжера Сейнарой урам тӀара парк, МагӀалбика кхален Заьзгакъонгий-Юртара Центральни урам, Наьсарера Ӏарчакханаькъан, МагӀалбикера Юбилейни урамаш.
Цу ерригача моттигашка керда асфальт Ӏобиллаб, гӀашлой наькъаш даьд, лампаш тоаяьй, гӀандаш а нувхаш чутувса яьшкаш а оттаяьй.
«Шахьара дика хьалаш» яхача федеральни проекта чудоагӀа хьалхашка латта декхараш кхоачашдаь даьннад 47%», - аьлар республикан гӀишлошъеча боахаме.
