«Къоначар эскаро» тӏема-мехкагӏончий лерхӏамах йола кхетаче дӏайихьар мехка
«Къоначар эскара» итт шу дизара хетаяь йоккха, Даьхенцара безам, лерхӏам чӏоагӏбеш йола кхетаче дӏайихьар вай мехка. СКФО субъекташкара 120 хьинардар гулвеннавар цига, царех 50 саг республикера къона эскархой бар. Хьинаре болх дӏахьош хилар къонабараш, кхаь дийнахьа лаьттача кхетаче. Кердадараш довзаш, шоай проекташ йовзийташ, пайдане хургда аьнна хетараш дӏа-хьа эцаш ха дӏайихьар цар. Цу юкъе дар хьалхара гӏо дар мишта хила деза довзийташ дола гойтама балхаш, хӏаьта «Хьалхарбарий болама», «Берралла наькъий» кулгалхоша цу оагӏонцарча гӏулакхашца дувзаденнараш довзийтар къонача тӏехьенна.
«Кхетачен болх чакхбаларах йолча кхетаче дакъа лоацаш хилар мехкарча Паччахьалкхен кулгалхочун гӏонча вола Кокурхой Адам, «Къонача эскара» Керттерча штаба кулгалхочун гӏонча Басити Заурбек, болама республикерча оагӏон штаба хьалха латта Муружанаькъан Мухьмад, «Къонача эскара» Керттерча штаба доакъашхо, Халкъа Гуллама депутат йола Бохтаранаькъан Мадина.
«Къонача эскара» республикерча моттига Россе Турпала Боканаькъан Мустафай цӏи яларах дола каьхат, байракх дӏаелар лоархӏаме моттиг дӏалоацаш хилар цига. «Къонача эскара сийле» яхача хӏаракашца белгалбир болама толашагӏа бола доакъашхой», - йоах «Сердалога» мехкарча паччахьалкхера бенача хоамо.
Хьалхара болх чакхбаьлча, болама доал дерашца, кураторашца, хьехамчашца кхетаче дӏахьош хилар цига. Къилбаседа Кавказе «Къоначар эскара» балхаца тоаде дезараш, иштта укх шера, тӏадоагӏача шера дӏабахьа безача балхаца лоархӏамедараш белгалдир гулбеннараша.
