Гӏалгӏайчен викалаш дакъа лоацаш хилар студентий-оарцагӏъухарий кхетачене
Россе тайп-тайпарча республикашкара 200 гаргга саг гулвелар Москве дӏахьош хиннача Vӏ-ча Ерригроссийски студентий-оарцагӏъухарий, ЧС лоӏамхой кхетаче йолаш. Из йоккха моттиг керттера я дешара, болх шаьрбеча доакъош тӏа, цига хӏара шера вӏашагӏкхет хургбола оарцагӏъухараш, лоӏамхой, иштта берригача мехкара дика бовзаш бола хьехамчаш. Цо таро лу кӏалхарбахара болама цаӏ йола кагирхой - лоӏамхой балха оагӏув чӏоагӏъе.
«Кхетачен доакъашхошта юкъе бар Гӏалгӏайчен викалаш. Гӏалгӏай республикан Ерригроссийски студентий-оарцагӏъухарий корпуса даькъа говзанчаш Хамхой Амин, Йовлой Ислам вай мохк гойташ бар федеральни боарам тӏа», - аьлар «Сердало» газетага Гӏалгӏайчен Цӏерца къовсам лоаттаберий колледже.
Из программа вӏашагӏъеллаяр уж массайолча оагӏорахьара хьаллаца, доакъашхой балха говзал лакхъе. Къонача оарцагӏъухараша дика балха говзал ӏомаеш дешар дӏадихьар, уж дакъа лоацаш хилар боккъонца долаш санна вӏашагӏдехкача чоалханеча хьалашка, дешара программе, иштта лахара-кӏалхарваккхара болх дӏабахьара говзал ӏомайир.
Лоархӏаме дакъа дар кхыча республикашкара баьхкача викалашца шоайла балха говзал дӏа-юха луш хилар, цо таро лу Россе лоӏамхой тоабашца цхьана бувзам лелабе, дикагӏа дола балха хьал юкъедоаладе.
