Гӏалгӏайчен Кулгалхочо республикан АТК, хьем боацача штаба кхетаче цхьана дӏайихьар
Гӏалгӏайчен кулгалхочо Келаматанаькъан Махьмуд-Ӏаьлас, мехка терроризма духьаларча кхела, хьем боацача штаба цхьана заседани дӏайихьар. Цига дийца керттера дош дар, республикан боарам тӏа терроризма духьале ю моттигашта юкъера хоамий бувзам лелабар.
«Сердало» газетага ма аллар, цу кхетачене дакъа лоацаш бар бокъонаш лораяра болхлой, низа доакъой кулгалхой, иштта паччахьалкхен ӏаьдала, доал деча даькъ тӏара викалаш. Республикан Кулгалхочо белгалдир, цу гӏулакха бехктокхаме мел йолча моттигаша даима терко лоаттае езаш из хаттар хилар. Тахан латтача чоалханеча хьалашка, моллагӏа этта хьал сиха теркалдеш хила веза, лоархӏаме гӏишлош лораеш, цох бола хоам сиха дӏа-юха боаржабеш, наьха кхерамзле лораеш хила веза.
Кхетаче дӏахьош техкар йолаш йола хоамий оагӏонаш, уж чӏоагӏъе еза моттигаш белгалйир, дӏахо цу даькъ тӏа айхха бувзам лелабе лаьрхӏар. Къаьстта терко тӏаяхийтар нах дукха хулаш йолча моттигашта, иштта лоархӏаме гӏишлош лораяра.
Кхетачен чаккхе еш, чӏоагӏдир белгалдаь хаттараш, уж чудоагӏача боахамаша кхоачашдеш хила дезилга. Протокола юкъедоагӏа кхераме хьал дий хьожаш хилар, боахамашта юкъера бувзам кердабаккхар, ерригача Гӏалгӏайчен доазон тӏа кхерамзлен хьал лорадеш болх юкъебаккхар могадир.
