ГӏалгӀай Республике вера РФ экономически дегӀаахара министра гӀонча
Россе экономически дегӀаахара министра гӀонча Назаров Сергей вера ГӏалгӀайче, балхаца дувзаденна.
Хьалхарча аргӀагӏа цун кхетаче хургья ГӏалгӀайчен Кулгалхочунца Келаматанаькъан Махьмуд-Ӏаьлаца, иштта хьожаргва мехка керттерча моттигашка. Цул совгӀа, кхетаче хургья ГӏалгӀайчен бизнес-юкъарлон викалашца. Цига дувцаргда инвестице хьал, иштта мехкарча хӏама хьадерий балха оагӀув.
ГӏалгӀай Республикан Кулгалхочун, Паччахьалкхен зарбан болх лелабераша ма аллара, из вайцига вена хилара керттера бахьан да, кхетаче цхьана дӀаяхьар, цига дувцаргда «хьалхара» дӀадоладеш дола программа чудоагӀа балхаш, уж да ЖКХ, энергетикан даькъ тӀара хьал дикагӀа дегӀадоаладара лаьрхӀа. Теркама юкъе хургда коммунальни хьалех йола йоал гулъяр, декхараш хьадахар.
Назарова иштта вӀашагӀкхетар хургда Наьсаре кхален бахархошца. Цига дувцаргда ЖКХ даькъ тӀа нийслуш дола кхоачамбоацараш, уж нийслургдоаца никъ лахарах.
