ДжабагӀанаькъан цӀерах бола урам тоабеш боахк Илдарха-ГӀалий тӀа
04.07.2025 09:42
ДжабагӀанаькъан цӀерах болча урам тӀара болх йистебала гарга ба. Юххьанца лаьрхӀачунга хьежача, ер шу чакхдоалаш кийча хила беза болх, ер бутт бовш из чакхбаьнна хилийта гӀерташ, къахьегаш ба болхлой.
Никъ тоабеш бола болх дӀаболабалале; газа, хин турбаш хийцар цига, цу гӀулакхо бахархой цу шин хӀаман хьал тоадаьд. Карарча хана асфальт Ӏобилла баьннаб ала мегаргдолаш да. ГӀаш леларий доазув къоастадеш, бордюраш оттаеш боахк цига. Бахархой дегашта боккха тоам беш ба тоабаь урам.
