Илдарха-ГӀалан керттера урам тоабаь боалаш латт
Илдарха-ГӀалий тӀа тоабаь боалаш ба 2,5 км совгӀа бӀаьха бола керттера ДжабагӀанаькъан В. урам. Уж балхаш дӀахьош да «Вахара хьалаш» яхача программанна чудоагӀаш.
Из урам шахьара транспорт лелача моттигех керттера ба, цо хотт лоархӀаме моттигаш: шахьара поликлиника, колледж, музей, стадион. Из никъ чӀоагӀа тишбеннабар, цудухьа цо дукха новкъарлонаш йора моттигерча бахархошта.
ГӀалгӀайчен Кулгалхочо Келаматанаькъан Махьмуд-Ӏаьлас белагалдир, из болх кхоачашбале, лаьрххӀа дола гӀулакхаш чакхдаьха хилар.
«Наькъа балхаш дӀадоладале, цаӀ волча оператора хийцар 2,5 йӀаьха йола хин турбаш, уж тишъенна хиларах. ХӀанз хицара хаттар кхоачашдаь долаш, керда никъ а дукхагӀа ца бохаш говргба», - аьлар Мехкадас.
Белгалду, кастлуш, аьтинга бутт чакхбоалаш, деррига балхаш даь даьнна хургда.
