Электросамокаташ хехкачарна, наькъашкарча бокъонех дувц
18.07.2024 13:10
Наькъашкара кхерамзлен хьал лорадара тIехьа, лакха тIахьожам лоаттабу МВД болхлоша электросамокаташ хехкачарна. Из хоам «Сердалога» бир Iаьдала болхлоша.
«Наькъашкара хьал тахка арабаьннача МВД болхоша бокъонаш лораеш йоаца ворхI моттиг теркалйир», - йоах хоамо. Уж гIалаташ шоашкара дувлийтараш, 18 шерга кхачанза болча, наькъашкара бокъонаш лоархIаш боацарашта тIахьожам беш боаца цар даьй учёте дIаувттабе лаьрхIад Iаьдало.
Геттара сиха шахьара урамашка гIолла самокаташ хехкаш лелараш хIара денна дукхагIа хулаш латт. Из гIулакх сихонца бокъонгахьа ца доаккхе, наха зулам хилар, хатараш даржар кхерам ба.
