Шахьарера видеотӀахьожам чӀоагӀбе лаьрхӀар Магасе
18.06.2025 11:15
«Ростелеком» оагӀон болхлошца Баркинхой Анзораца, ТӀонганаькъан ИбрахӀимца кхетаче дӀайихьар шахьара даь декхараш кхоачашдеш волча Тиймарзанаькъан Мусас.
Шахьара мэре зарбан болх лелабераша бир из хоам тха газетага. Кхетаче дийцар шахьарера видеотӀахьожам дикка чӀоагӀбарах, цу оагӀонца дӀабахьа безача балхах. Камерашка хьежа, царцара кхоачамбоацараш юстардаха деза, аьнна, соцам бир цига.
Шахьара дас белгалдир, бахархой кхерамзлен хьал лакхача боараме хилар лоархӀаме долга, цунга хьежжа, камерашцара болх дикка тоабе, чӀоагӀбе лаьрхӀар.
