Бериславске цӀерагӀа урам тоабаьб МагӀалбике
17.06.2025 09:48
Вахара моттигаш тоаярах йолча къаман проектага гӀолла, Бериславске цӀерах бола МагӀалбикера урам тоабеш болх дӀахьош латт мехка. Из хоам «Сердалога» бир цу оагӀонцарча министерствон болхлоша.
Карарча хана ООО «Стройальянс» яха уж балхаш деш йолча моттига къахьегамхой кӀалхара кӀийле тоаеш, керда никъ ӀотӀабилла кийчо еш ба.
«Керда асфальт а бордюраш а йола гӀашлой никъ уллаш хургба из урам. Цул совгӀа, ток кӀезигагӀа йоаеш йола керда лампаш ехка хувцамаш дергда урам тӀа», - дийцар тхога Минстрое.
