«Лоалахарча республике этта доккха, унзара хатар теркаме ца эцаш хила йиш яц вай. Терроризм яхача зулама духьалара къовсам чӀоагӀбар тахан керттерча декхарех да», - аьлар кхален администрацена кулгал деча Къоастой Ӏаддал-Хьамида.

Кхерамзлен хьал чӀоагӀдеш, дӀабахьа безача балхах дийцар кхетаче. Республике кхычахьара хьачубаьхкача нахаца, терроризм бахьан долаш лийца баьхка мукъабаьннарашца цу мугӀарера къамаьл деш, тӀахьожам лоаттабе беза, иштта терко е еза интернета оагӀонашка гӀолла цадоагӀар дувцарашта.

Кхален администрацен кулгалхочо белгалдир, из болх массайолча моттигаша дакъа лоацаш, фийла болаш дӀабахьа безилга.