Сиха оарцагӀъухаш йола лорий машени приореи вӀашкакхийтар Наьсаре
16.08.2024 16:47
Сиха оарцагӀъухача лорий машени приореи вӀашкакхийтта, хатар хиннад, аьнна, хоам бера «112» оагӀон болхлошка.
Магасе хьалтӀаотташ болча гон юхе хиннай авари. Хатар хиннача оарцагӀбахар «Аьрзи» яхача МЧС тоабан къахьегамхой.
«Ford transӀt яха сиха оарцагӀъухача лорий машени, LADA PrӀora яха машени яр вӀашкакхийттараш. Хала йоаца човнаш еш, лозаваьв ши саг. Хатар хилара бахьан тохкаш да Ӏаьдал», - дийцар тха газетага.
Мехкарча МЧС кхайкарал ду бахархошка, боккъал а лоралуш, наькъашкара бокъонаш лоархӀаш, ма хулла шортагӀа лелаш хила, яхаш.
